LONDINI ad pontem, Billingi nomine porta est, Unde ferunt virides ostrea Nereides. Hic sibi perpetuam legit facundia sedem ; Nec modus hic verbis, neve figura deest. Sermonem densis oratrix floribus ornat,
Et fundit varios, ingeminatque, tropos. Et nervi, et veneres, et vis, et copia fandi Insunt; et justum singula pondus habent. O sedes, totidem multum celebrata per annos! Omne tibi rostrum cedit, et omne forum. Utraque, quos malit, titulos academia jactet: At tibi Linguarum Janua nomen erit.
PURIS in cælo radiis argentea Luna In Tamisis tremula luce refulsit aquis. Improbus hoc vidit catulus, ringensque malignum Solvit in indignos ora proterva modos: Lunamque in cælo, lunamque aggressus in undis, In sidus pariter sævus utrumque furit.
Sub ripis latuit fors ulterioribus echo, Audiit et vanas ludicra nympha minas: Audiit; et rabie rabiem lepidissima vindex Ulcisci statuit, parque referre pari. Ille repercussæ deceptus imagine vocis, Irarum impatiens jam magis, estque magis. Reddere latratus pergit latratibus echo ;
Quemque canis statuit, servat imago modum. Tandem ubi lassatæ fauces, et spiritus, et vox; Defervet rabies tota, siletque canis.
Et poterat siluisse prius; furor omnis ineptus, Omnisque in sese futilis ira redit.
CRURA ADSCITITIA.
HANC puer (et pueri mentem quoque gloria tangit) Artem habet, ut sese tollere possit humo: Selecta ex baculis duo ligna abiegna requirit, Quatuor ad spatium plusve minusve pedum. His etiam, ut melius vestigia firmet, equino De corio affigit fortia lora duo.
Quæ postquam clavis supra devinxit et infra, Ipse suum scandit, quod fabricavit, opus: Cautoque incedit, prima ad tentamina, gressu, Et nova cum multo crura tremore movet.
168 IN FENESTRAM SEPTENTRIONALEM, ETC.
Mox ubi se didicit libramine pendere justo,
Hinc inde intrepidos fertque refertque gradus. Saxa per et plateas largis vult passibus ire; Qua via per medium, qua via nulla, lutum. Cum subito (audentes fortuna nec usque juvabit Prospera) in immundam præcipitatur humum. Quid faciat patris metuens, metuensque magistri ! Quo fugiat tunicas squalidus, ora, manus ! Quin iterum ascendat, magnis licet excidat ausis ; Si male nunc fuerit, non male semper erit. Altius in cælum valido pila surgit ab ictu ; Gaudet et a plagis ocyus ire trochus. In geminis didicit quicunque incedere lignis, Cruribus hic poterit tutius ire suis.
IN FENESTRAM SEPTENTRIONALEM
Renascentur, quæ jam cecidere."
ANTIQUAM Petri quæ pulchre illuminat ædem, Artificem agnoscit picta fenestra manum. Circulus illustris summa splendescit in ora,
Divus apostolici, cum duce, quisque chori.
Cælestes intus facies, vultusque videntur Aligeri in medio biblia sacra patent.
Quam bene miscentur, sua per loca quisque, colores! Quam bene cæruleum, purpureumque decus! Quam lumen solenne, et quam venerabilis umbra! Spectantem ut recreat lumen! ut umbra juvat! Quæ pene interiit longos pictura per annos, Illuxit bibulo jam rediviva vitro:
Jamque recens iterum, jam nostra ætate revixit Clarius, antiquæ laudis et artis opus.
FLET Macedo, sibi totum ubi debellaverat orbem, Indignans armis nil superesse suis:
Flet Xerxes, quod nemo suis de millibus, ætas Proxima cum veniet, nemo superstes erit.
Nolo tuas, Macedo, lacrymas: ego laudo dolorem Humanum; et tecum, Persa, dolere volo.
VICTORIA FORENSIS.
CAIO cum Titio lis et vexatio longa Sunt de vicini proprietate soli. Protinus ingentes animos in jurgia sumunt Utraque vincendi pars studiosa nimis.
Lis tumet in schedulas, et jam verbosior, et jam : Nec verbum quodvis asse minoris emunt. Prætereunt menses, et terminus alter et alter; Quisque novos sumptus, alter et alter, habent. Ille querens, hic respondens pendente vocatur Lite; sed, ad finem litis, uterque querens.
OCTo trans Tamisin campanis diva Maria ; Cis Tamisin bis sex diva Brigetta sonat. Hæc tenues urget modulos properantius ædes, Alternat grandes lentius illa modos.
Nec quis in alterutro distinguat littore judex, An magis hæc aurem captet, an illa magis. Tantæ est harmoniæ contentio musica; turris Altera cum numeros, altera pondus habet.
« AnteriorContinuar » |